Ma bicáhui luá' [French translation]

Du nabé nanná yuuba nuu ladxidua’rusiguuna ni naa

ma bicáhui luá', ma qui ganna dia’ guna’ neza chaa’

gánna de guira’ bínni’, ti cu’ bia’ xhtále yuuba ni nia’

ne’ pur nga’ rixúdxe, ti ma biaana xhtúbe ma zine’ Diúxi jñiaa

nñia' huiine ma gútti, nánna’ ma que ziuu di’ xtóbi casi laa

Ma zé’ na chabe, ra zé ca zíne’ guiráca ni naca’

ma qui ránda ruunda’, yánna nisi ruuna’ ma gáxhti di’ gáppa’

zé’ ni jmá risáca, ma guiruti di’ naca’ lú guidxi layú ri’

gunna la’, nuu ru jmá, peru casi pe jñaa rabe ma qui ziuu di’

biiya rua’ dxí ruyaa, nin qui ziaanda di naa son yaa, naaze’ ñee zuudi’

Na Chabe ma ze’ gunaa gúca guie’ gunaxhii ca’ xiiñi’

yánna de guira’ nuu, cayuuna pur laa purti ma qui guínni’

Diúxi rinie’nia’ laa naa nápa jñiaa ra lidxi guiba

cú’ be ndaaya naa, ma huará ladxiduá’ ne ma bicáhui lua’.

ma gáxhti’ risaca’ ma qui zánda ipáppa’ ma biluuza xhiaa’

Guniee' xcaanda' jñaa ne’ be xhti gunaa xhuppa ca be biya'

nin qué ganna' dia’ pa jñaa be nge la’ pa ngénga jñiábida'

ne gúdxi’be naa, nisaana du laa nin que ñánna paraa

ora que’ bibane’ rului’ nuu doo yáanne’ rului’ pe ma chaa’

pa ma ngá nga núna, guibane cayuuna’ ma qui gáppa jñaa.

Ti dxí guní’ jñaa sicari’ gúdxi naa: “xiiñe’ guluu xiga í’cu’

ora naa ma ziaa’ pa nadxii lu naa gunazhii ca bi’chu’

ni rinaba guira tu nga ganazhii zaa tu pa nadxii tu raa

que chu’ dxí guidxiixhi tu nin tínde bi’chi ora naa ma zíaa

gunazhii Porfiria, Irma ne Floralia, Pedru ne Jusé

Pa gánna binni’ nacha’hui’ ca ziiñi jñaa tu’ ”Na Chabé“

pa laa tu qui gúni tu ni xhtale zuuya’ naa ma canazáya ca na guchibe’

dxí biba’ni’ jñaa qui ziaanda di naa de laa ne ca xhtiidxa

qui niree ra nuaa’ dxí bidegua yuaa’ dxí guyuaa lidxi guiiba

xa nisa xa bi, huadxi ne siado’ ti gunazhii be naa

Yanna jñaa ma gúti ma que gáppa irúti’ guzaani ladxiduaa’

rului’ ri bacaanda’ pur nga’ que zusiaanda’ que ziuu dxí de jñaa

ra xhpa’be ma ziaa, ma zenie’ nia’ jñaa ca domingu siado’

níssa ruuna lua’ ma zhtale ma zia’ jmá que nisado

ne’ na’cahui do’ biaana ndani yoo, de dxí jñaa huiine’ ze’

Pa qui ganda sáya’ ti cadxibe’ guiába’ ndaani ti bize’

laa nga guca biaani...guié dxí biba’ni’ jñaa nu gunaxhiee’.

• Artist:César López Orozco