درب الشعر lyrics

دربـي ودرب الشـعر واحـد ما قـدرنا نفتـرق

إن كـان جَـوّه غيـم والاّ كان فـي الجـو غْـبره

ليت القلم يعرف حدوده كل ما شاف الورق

لولا الـورق كان القلم تبكي عليه الـمحبـره

والرعـد لا منّه رعـد ، والبــرق لا منّـه بَــرق

تطـري علي أجمل سنين ايامي اللي مدبـره

لو كنت نسـل شْـيـوخ جـرّبت الكـآبه والأرق

لكـن أنـا اللي منظـره لا يُـنبئـك عن مخبـره

تعّبت رجلي في الدروب الكـايده لين العرق

لامس جبينـي والرجل بْلا فعل ضـاع خْبـره

يا طـارقٍ باب الشـقا ، باب الشقا ما ينطـرق

كذلك الـدرب الشـقي لا تحـاول انّك تعـبره

لا تجعل البسـمه من شفاتك حبيبي تنسـرق

وتحـس كنّك شـايلٍ في وسط صـدرك مقبـره

إن غاب نور الشمس وجهك نوره الباذخ شرق

يصغر مقام الشمس والاّ انته مقامك ما اكبره

نــار الغــلا يمكن قليـل الصـبر فيـها يحتــرق

وانا على نـار الغــلا صـبري من اللـي يصـبره

بحر العيون السود من مرّه مُـحب وْما غرق ؟

لو هو إمــام الشـوق وانبـل من تعـلاّ منبــره

• Artist:Hussein Al Jasmi