Lu Verbu lyrics

Lu Verbu sacciu, lu Verbu haiu a diri

Lu Verbu ncarni di nostru Signuri

Dintra un truncu di cruci happi a muriri

Pi sarvari a nuatri piccaturi

A cruci quant’è arta e quant’é bella

Un vrazzu arriva ncelu e l’autru nterra

A la valli di Gesuvà

Picciuli e ranni hamu a essiri ddà

San Giovanni avanti avanti

Cu un libru d’oru nta li manu ca liggia

Signuri, pirdunatili 'sti poviri piccaturi!

Giuvanni, comu l’haiu a pirdunari

Ca peccanu lu Pasqua e lu Natali?

Ci haiu datu lu cunfissuri

Nun si vonnu cunfissari

Ci haiu datu lu pridicaturi

Nun lu vonnu ascutari

Vo... sia a l’infernu nfernali!

Rispunni Maria e dici:

Cu lu dici tri voti a lettu

Non aviri paura di fiddettu

Cu lu sapi e nun lu dici

L’armuzza sua nni la pici

Cu lu sapi e nun lu mparirà

Centu balati di focu avrà

Cu lu dici tri voti a lettu

Non aviri paura di fiddettu

Cu lu sapi e nun lu dici

L’armuzza sua nni la pici

Cu lu sapi e nun lu mparirà

Centu balati di focu avrà

• Artist:Rosa Balistreri
• Album:Amore, tu lo sai, la vita è amara (1972)