La gagarella del Biffi Scala lyrics

Ogni cansunèta milanesa

la g'ha de vès crüdél e sbarasina:

quèsta che ve cünti l'è carina.

Ufendèves minga, per piasè.

Gh'è un cafè nascòst in d'una piasa

frequentà da tante donne belle,

ma fra queste troppe gagarelle

alle cinque van a bev el tè.

La gagarella del Biffi Scala

quant'in quattr'ur le la bigia scòla,

la tröva sémper una quai bala

per vès lì prunta a bev el tè.

La gira in bici con stile vario,

la se divèrt propi un putiferio,

la fa la tonta come 'l Macario,

la dis: "Pisquano!" e la canta: "Olé!"

A lei piacciono le Morris o le Cammel,

"Oh! Le Cammel ancor di più!"

ed annega i dispiaceri cunt el Kümmel,

cunt el Kümmel e nulla più!

La va ala Cozzi la gagarina,

tre volte al dì la fa la piscina,

la g'ha 'l ciüfèt che la par un luc

e 'l cervelèt che 'l è propi tuc.

A sentì parlà -Gesü, che strazio!-

disen sü di ròb senza giudizio:

l’urelòcc el ciamen l’«orolozio»

e per dì Peppino, disen «Pin»!

Disen no permesso, disen «pozzio»,

disen no ti lascio ma «ti lazzio»,

l’autobùs el ciamen l’«autobuzzio».

"Senti, gagarèla, va a durmì!"

La gagarella del Biffi Scala,

fu no per dì, ma l'è propi ciula,

cui gagaruni la fa la ciala,

la dis: "Coniglio, gh'è nien' de fa!"

Gh'è piàs la pizza cun' la scigula,

la gh'a i scarpèt cun' la dupia söla,

la gira sémper cunt un gandula

vestì de magher ch'el fa pietà.

A lei piacciono i modelli del Ventüra,

per smagrirsi la mangia il RIM,

ma san tutti che si veste su misura

dala sarta che gh'è al'UPÌM.

"Uéi gagarella del Biffi Scala,

tò sü i tò liber e torna a scòla:

Milan l'è stüfa de supurtà

le gagarelle cui sò gagà!

le gagarelle cui sò gagà!"

• Artist:Giovanni D'Anzi