La flor de la canela [Albanian translation]

Lermë të të tregoj, limjane*

Lermë të të tregoj lavdinë

e ëndrrës që zgjon kujtimin

për urën e vjetër, për lumin dhe rrugën me plepa*

Lermë të të tregoj, limjane

tani që ndihet aroma e kujtimit

tani që valëzojnë në një ëndërr

ura e vjetër, lumi dhe rruga me plepa

Jasemine në flokë dhe trendafila në fytyrë

krenare ecte lulja e kanellës

Përhapte butësi dhe në ecjen e saj lëshonte

aromë erëzash që i mbante në gji

Nga ura deri tek rruga shpesh këmbët e shpien

nëpër shtegun që dridhet nën ritmin e ijëve të saj

Mblidhte buzëqeshjet e rrjedhës së lumit

dhe në erë i lëshonte nga ura deri tek rruga

Lermë të të tregoj, limjane

Ah, lermë të të them, zeshkane, mendimet e mia

Të shoh nëse kështu do zgjohesh nga ëndrra,

nga ëndrra që turbullon, zeshkane, ndjenjat e tua

Thithe aromën që lëshon lulja e kanellës

stolisur me jasemine duke i shtuar bukurinë

Shtroje sërish urën dhe zbukuroje rrugën me plepa

që lumi të të shoqërojë nëpër shteg

Dhe kujto që…

Jasemine në flokë dhe trendafila në fytyrë

krenare ecte lulja e kanellës

Përhapte butësi dhe në ecjen e saj lëshonte

aromë erëzash që i mbante në gji

Nga ura deri tek rruga shpesh këmbët e shpien

nëpër shtegun që dridhet nën ritmin e ijëve të saj

Mblidhte buzëqeshjet e rrjedhës së lumit

dhe në erë i lëshonte nga ura deri tek rruga

• Artist:María Dolores Pradera
• Album:María Dolores Pradera (1966)