كله شمال [Kollo Shmal] lyrics

كله شمال في شمال في شمال مابقاش في يمين

و السالكين مش واكلين عيش دول واكلين طين

أنا مرة ركبت الموجة و قلت أنا هبقى مع الناس التانيين

حسوا إن أنا مش منهم و إن أنا شكلي مع الأولانيين

قاموا هرشوني و جم قفشوني و قلت هقولهم أنا مع مين

قلت معاكوا قالوا أساسًا يابني إحنا الناس التانيين

لو كله شمال في شمال خليك انت اللي يمين

اوعى تلين و اجمد علشان عضلة قلبك ملهاش تمرين

ولو اللي شمال في شمال هما و بس العاقلين

مش عايزين كده عين العقل إنك تبقى زعيم المجانين

أنا كنت حصان كسبان شبعان كدب و تطبيل

كنت تقيل بالتالي ف نظر الكل جميل

أنا عشت و شفت و جعت و خفت واجهت الدنيا و ليّا تاريخ

إنما حظي مع الناس كان تقريبًا زي البطيخ

عشت في أسبانيا و كلت لازانيا في روما و لسه في دمي فسيخ

أنا عكس عكاس مع كل الناس أنا عايز أعزّل للمريخ

• Artist:Moustafa Haggag