Kaffeebud lyrics

Diensdaachs, Mettwochs, Donnersdaachs,

Friedaachs morjens hallever zehn,

do kummen se vun d'r Baustell anjerannt.

Schreiner, Pützer, Mürer un de Büggele vun d'r Poss

un sujar dä decke Schupo vun d'r Eck.

[Refrain:]

Un dann stonn se en d'r Kaffeebud

un schödden sich de Kaffe in d'r Kopp.

(In d'r Kaffebud, Kaffe in d'r Kopp)

Jeder lis in singer Zeidung röm,

jeder deut sich noch e Brütche ren.

Op eimol weed de Schnüß jeschwad

Dä Pützer hät zo vill jesat

Do han se jlich dä jrößte Zoff

Hurra!

"Do Jipsjeseech, do Weihnachtsmann,

do wells Ahnung vum Foßball han?"

sät do dä Blöh un lach sich halv kapott

do schalt sich och dä Mürer en,

meint: Hau dem Käl doch eine ren

Un klopp däm Blöh sing Zeidung op d'r Kopp.

Un su ston se en d'r Kaffeebud

un schödden sich dä Kaffee en d'r Kopp.

(In d'r Kaffebud, Kaffe in d'r Kopp)

Dovun weed die Pump dann janz schön flott

Jeder deut sich noch e Brütche ren

Op eimol es d'r Düvel los

Un och dä Büggel vun d'r Poss

Dä misch sich jetz met en un schreit

Hurra !

Dä Pützer jo dä es nit domm

un beech dem Blöh dä Löffel kromm

Un schödd im dann dä Kaffee en de Mötz

Dä Mürer deit jet Milch dobei

un kritt jetz för die Schweinerei

Vum Possmann Zucker hinger de Brell jespretz.

Die Kaffeemam bröllt: Jetz es Schluß,

maat ühr Sauerei zo Hus.

Un brängk dem Blöh ne Lappe för sing Mötz.

Die Junge luren sich koot an

un jevven sich su langsam dran

bes alles widder blänk un sauber bletz.

Jo su ston se en d'r Kaffeebud

un kloppen sich dä Kaffee en d'r Kopp

(In d'r Kaffebud, Kaffe in d'r Kopp)

Bes se sich dann endlich einig sin

Jeder driht sich noch e Brütche ren

Die Fröhstöckspaus es jlich am Eng

Die Junge jevven sich de Häng

"Dann maat et jot bes morje halver zehn!"

[Refrain]

• Artist:Bläck Fööss
• Album:Mer han 'nen Deckel (1978)