Чит җирләрдә [Çit cirlərdə] [Russian translation]

Төнбоеклар күлдә башын игән,

Кояш нурларыннан сүрелеп.

Таш бәгырьле җанга әйләнгәнсең

Чит җирләрдә бик озак йөреп.

Күзләреңдә синең сөю көче,

Эреп китәм сине бер күреп.

Яратудан барыбер тыялмассың,

Чит җирләрдә бик озак йөреп.

Күл буенда бөдрә таллар шаулый,

Салкын җилләрдәнме тилмереп.

Яраларга тагын бозлар салма,

Чит җирләрдә бик озак йөреп.

Сүндермичә утлар көтәм сине,

Төннәр буе вакыт үткәреп.

Ялгыз яшәп бәхет табалмассың,

Чит җирләрдә бик озак йөреп.

• Artist:Guzel Urazova