Istella [Italian translation]

Dae cando so naschida

Una ‘oghe intendia, prena 'e armonia

Una ‘oghe tantu rara

Chi in dogni mamentu faghet cumpagnia

M’as cumpridu, m’as pesadu,

Amore m’as dadu, affetu e allegria

Cussizos bonos pro sighire bene

In sos passos de custa vida.

Ma’, in su coro t’intendo costante

E mi faghes cumpagnia.

Sa peraula prus bella 'e su mundu

Naro chi est mama ebbia.

O mama, istella rara,

Iscurta su chi ti naran custas laras.

O mama, istella rara,

Iscurta su chi ti naran custas laras!

Narat su ditzu: chie tenet mama

No at a prànghere mai.

Issa est sa 'oghe sintzera 'e s’amore

Chi illèpiat 'ogni dolore.

Ma si ti mancat sa mama,

Mancari a chent’annos, su dolore est mannu,

Non passat ora ne mese ne annu

Chena invocare: oh mama mia!

Ma’ in su chelu ti miro costante

E mi faghes cumpagnia.

Dae sa volta zeleste

Serena tue m’inditas sa via

O mama, istella rara,

Iscurta su chi ti naran custas laras.

O mama, dae Chelu intende

S’amore chi como pro te so cantende!

Ma’ de totus sas istellas de chelu,

Tue ses sa menzus ghia!

Pro cant’apo a tenner alenu 'e vida

Apo a narrere: oh mama mia!

Apo a narrere: mama,

Ses tue sola mama,

Ti cherzo 'ene mama mia (x3)

• Artist:Maria Luisa Congiu