Il tuo arredamento [Esperanto translation]

Via malmulta meblaro

apogas sin delikate

al la helaj muroj kaj al la planko

kaj blovo de la vento

eniras kaj fortegiĝas,

dismalfermante fenestron.

La malmultaj akraj randoj,

sinkaŝantaj inter la anguloj,

ne povas puŝi miajn stimulojn,

kiuj trapasigas vin,

kurante libere en la koridoroj

de la anim'.

Du abstraktaj kaj similaj bildoj

rigardas min el blanka, pala ĉirkaŭo

kaj el la kuirejo alvenas zigzagante

fumo kaj aromo de teo.

Noktiĝas malrapide

kaj ĉe la piano mi sonas melodion,

kiu grimpas ĝis la luno

kaj glitas sur la tegmentoj kaj falas en la ĝardenon,

kiun vi akvumis jam zorgeme.

La vastega dormoĉambro

estas granda aerspiro

kun viaj malaltaj mebloj, facilaj por viŝi –

nur kelkaj aferoj por movi.

La aŭroro koloras ĉion –

ankaŭ la domon, kiu vivas ene en vi.

Ĝi fariĝas violkolora, rozkolora kaj magia,

belega kiel la kameno,

kiun vi konstruis tie per pasio…

Kaj ĉio tio estas

via meblaro.

La aŭroro koloras ĉion –

ankaŭ la domon, kiu vivas ene en vi.

Ĝi fariĝas violkolora, rozkolora kaj magia,

belega kiel la kameno,

kiun vi konstruis…

• Artist:Mina
• Album:Maeba (2018)