Ierru [Japanese translation]

Carrigu de nieddas temporadas

Benit s’ierru, ‘etzu e canu,

Sentz’ervas, est tristu su pianu,

E sas forestas paren brujadas.

No puzones ch’allegren su manzanu

Cun sas milli pibias delicadas,

Su ‘entu muilat intro sas foradas

E tristos corvos cantan a luntanu.

Gai est s’umanu istadu; rie rie

Fuit s’amore, fuit su cuntentu;

Passat de zuventude cudda die

Coment’una die ’e maju sentza ‘entu.

Ma su dolore, simile a su nie

Falat continu, frittu e lentu lentu.

• Artist:Marisa Sannia