Himmelfahrt lyrics

Refrain:

Am Donnersdach es Himmelfahrt,

do han mer vier Dach frei,

un Himmelfahrt es Vaterdach

em Wonnemonat Mai,

dann fahre mer en et Jröne ren,

en dä schöne Westerwald,

jo wo de Luff su fresch,

wo d'r Bösch jot rüch,

wo die Bäche klor un kalt,

Jo am Donnersdach es Himmelfahrt,

do fahre m‘r en d'r Westerwald

Rühreidiladio, Loreleidlio

Un och dä Loddel, jo dä Loddel,

Jo dä Loddel, jo dä Loddel

Holldrio

Des Morjens fröh öm halver aach,

jo do fing alles an.

Et Stina knatsch, de Mamm die bröllt,

der Papp hät noch en Fahn.

Ich ben noch möd, wat sull dä Quatsch,

muß dat dann hück sin?

Se fuhren los, am Dreieck Heumar

hingen se medden dren.

De Mam, die maat et Radio an,

ens hüre, wat hä sät,

kein Ausweichmöchlichkeite mih,

dozo es et ze spät.

Vun Düsseldorf bes Limburg-Nord

Zähflüssigkeit met Stau,

do hürs jo nie, wat ich dir sach,

ich ben jo nur ding Frau.

Refrain

D'r Motor us, die Düre up

Schnell us dä Kist erus

Un für uns stonn paar Holländer

Mit ihrem Campingbus

Die stellen Tisch un Stöhl erus

Un kochen sich jetz Tee

De Mam sät: Karl, dat mach mer och,

Dat is en jood Idee.

D'r Holländer kütt op uns zo

"Jestatten, van der Bür,

Sät: Hefft ü nit en Dröpje Milk,

Van uns de Milk es sür!"

So soßen mer dann noch zwei Stund

En Clique vun fuffzehn Mann

Un nächste Woch, wenn alles klapp

Sin mir in Amsterdam.

Refrain

• Artist:Bläck Fööss
• Album:Mer han 'nen Deckel (1978)