قم علم الصبح [Gem Allem Elsebh] lyrics

قم علم الصبح ويش البارحه قلنا

خله يقول للعواذلنا تصافينا

حتى يعرفون يوم ان تزاعلنا

نبغى نزود قهرهم لاتراضينا

حنا شربنا الغلا حتى تمايلنا

من نشوة الحب تدفعنا خطاوينا

نكسب تعاطف هل الحب بتعاملنا

وهروج حسادنا ما أثرت فينا

ياما و ياما حكوا لكن تجاهلنا

تلامس احساسنا يسبق خطاوينا

من بدهم في الوفا حنا تأهلنا

كسرت يدين التجافي من تسامينا

يابحر كان انته في موجك تساهلنا

في الحب نبحر ونمسي في موانينا

روض المحبين محمي في مداهلنا

وزهور الأشواق تنبت في مراعينا

حنا الشرف والنقا ونشرف اهلنا

عن الرذيله على النايف تعلينا

يا ظامي الحب اروتنا مناهلنا

اذا طوانا هجير البعد تسقينا

والسالفه كلها يوم ان تزاعلنا

كله على شان يقهرهم تراضينا

• Artist:Rashed Almajid