Finanzamp lyrics

Vier Prozent mih Jeld, Jung, wat koß de Welt,

sollten diese Monat mih op mingem Konto sin.

Brutto soh dat prima us, Netto kom dobei erus:

Eimol Kino, zwei Persone, dritte Reih.

Ich han der Streck parat jamaat, doch ming Frau hät nur jesaat:

Refrain:

Jo, un sulang mer noch en Mark für et Finanzamp han,

un jet Flönz un Majarin für op et Brut,

kumme mir janz jot zoräch,

jeit et uns noch lang nit schläch,

selvs der Düvel friss Fleje en der Nut.

Jo, un sulang mer noch en Mark für et Finanzamp han,

un e Drittel vum Jehalt für unser Meet,

kumme mir janz jot zoräch,

jeit et uns noch lang nit schläch,

de Haupsaach, dat et aufwärts jeit.

Wat nötzt die janze Schinderei für ne Appel un e Ei,

mer es nur Minsch und well jo schließlich jet vum Levve han.

Doch et muß och wigger jon, well mer nit em Rän doston,

irjendwann kütt och der Aufschwung noch zo mir.

Also zahl ich brav ming Stür, denn ene jode Staat es dür.

Refrain

• Artist:Bläck Fööss
• Album:Immer wigger