En unserem Veedel lyrics

Wie soll dat nur wigger jon?

Wat bliev dann hück noch ston?

Die Hüsjer un Jasse

Die Stündcher beim Klaafe

Es dat vorbei?

En d'r Weetschaff op d'r Eck

Ston die Männer an d'r Thek'

Die Fraulückcher setze

Beim Schwätzje zosamme

Es dat vorbei?

Wat och passeet,

dat Eine es doch klor:

Et Schönste, wat mer han

schon all die lange Johr

es unser Veedel,

denn he hält mer zesamme,

ejal wat och passeet.

En unserem Veedel.

Uns Pänz, die spelle nit em Jras

Un fällt ens einer op de Nas

Die Bühle un Schramme

Die fleck m'r zesamme

Dann es et vorbei

Wat och passeet,

dat Eine es doch klor:

Et Schönste, wat mer han

schon all die lange Johr

es unser Veedel,

denn he hält mer zesamme,

ejal wat och passeet.

En unserem Veedel.

Dat es doch klor,

mer blieven, wo mer sin,

schon all die lange Johr,

en unserem Veedel,

denn he hält mer zesamme,

ejal wat och passeet.

En unserem Veedel.

• Artist:Bläck Fööss
• Album:Op bläcke Fööss noh Kölle (1973)