الديناصور [El Dinosaur] [English translation]
الديناصور [El Dinosaur] [English translation]
حاسس بتوتر
و الأمن مش مستتب
قلبي بيدق بسرعه
دب دب
يا ترى دخلت في باد تريب
ولا البلد دي قلبت سيرك
سقف الإنبهار فيها فرتك الترنك
في كل خطوه بتموت حته في قلبي
الناس في الشارع شبه الزومبي
و العالم حوالينا بيجري
و إحنا لسه علينا بدري
عايشين و بنقاوح في العصر الحجري
أنا مش هستغرب
لو شوفت ديناصور أو بطريق
ع الناصية و بيسكور
أنا مش هستغرب لو شوفت ديناصور أو بطريق
ع الناصية و بيسكور
جريت م الديناصور
و روحت لأبو الهول
خبطت عليه و صحيته
من سبعتلاف سنه نوم
حكيت له عن حالنا و أحوالنا
و اللي وصلنا له في زماننا
و عن قد أيه إحنا أتبهدلنا و أتهانا
من أثر الصدمة
أبو الهول جت له جلطه
و ضغط و كوليسترول
و شلل رعاش
من الأوباش، اللي خلوها متسواش
قلت له
أمسك نفسك أرجوك متسيبناش
آخر كلمه قالها لي بحسره و تحفظ شديد
أجري ياض من هنا روح ألعب بعيد
ده أنا لولا دماغي اللي ساحت
و مناخيري اللي راحت
كنت سمعتك صوت جديد
أنا مش هستغرب
لو شوفت ديناصور أو بطريق
ع الناصية و بيسكور
أنا مش هستغرب لو شوفت ديناصور أو بطريق
ع الناصية و بيسكور
بقلب في القنوات
علشان أقتل الوقت و الملل
نفس النفاق، نفس الفساد
نفس الغباء و الهبل
على قفانا بياكلو عيش
واللي يطبل يعيش
الأقرع بيقول نفس كلام
أبو شعر كنيش
بيجيبوا اللي فيهم فينا
بعدما باعوا أراضينا
قال ايه بيقولوا علينا
شباب معندوش إنتماء
والمذيع بيقول ماء
هو نفس الإستكش بيتعاد
والكفته يا ناس بقت علاج
و تحيا مصر تلات مرات
أنا مش هستغرب
لو شوفت ديناصور أو بطريق
ع الناصية و بيسكور
أنا مش هستغرب لو شوفت ديناصور أو بطريق
ع الناصية و بيسكور
- Artist:Cairokee
- Album:No'ta Beeda (نقطة بيضا)
zpostcode 
Recruit 
weather 
mreligion 
Yellowpages 
sport 
constellation 
shopping 
name 
game 
directory 
literature 
Word 
tour 
furnish 
Lottery 
tftnews 
lyrics 
News 
digital 
car 
dir 
Edu 
Finance 
