الحاسة السابعة [El 7asa El Sab3a] [Transliteration]

في يوم قاعد ف كوفي شوب

بشرب قھوة وسيجارة

سرحت قفلت عيني

زرت ذكرياتي زيارة

سرحت فى قد ايه

الدنيا دى واطية وغدارة

وان حب الناس 90% منه تجارة

وده مش كل الى افتكرته

ده عصارة العصارة

اصل افتكرت فترة ضعت فيھا

ودقت خسارة

على رأى ست كبيرة فى حتتنا

الدنيا خيارة

اسمع منى الحدوتة دي

وافھم معنى العبارة

شاب زى كتير شباب

طريقه مكسر

مش باينله فيه غير الضباب

اﻻكتئاب صايده

وناھشه نھش ديابة وكلاب

قرب يتجنن

ليه دايما النتيجة سودة ھباب

دا انا من صغر سني

بسعى وباخد دايما باﻻسباب

كل اما اوصل لحاجة

بتبعد زى السراب

تايه في دنيا سوده

بيحكمھا قانون الغاب

راس مالي فيھا صحه وأمي

وشويه صحاب

حتى الصحاب من اﻻكتئاب

اغلبھم ادمن

تحت التراب مكانھم

ﷲ يرحمھم

واتقفل الباب

صعب جدًا احساس انك

تدي تدي ومتلاقيش

وتكمل الطريق

من غير امل عليه تعيش

كل يوم زي اللى قبله

شغلة شكل وما بتمشيش

اشتغلت كل حاجة

كان ناقصنى اكون شاويش

لحد ما اشتغلت فى نادي فيديو

وعشقت السيما

تاريخي عربي اجنبي

حديثة او قديمة

كل المطلوب انك تعرف تحكى حدوتة

من كان يامكان لحد كلمة توتة توتة

فكرة حكى الحدوتة فى حد ذاتھا جت شدتنى

جراب تاريخ حياتي مليان خبرات فادتنى

كل اللى شوفته فى طفولتى

وفي شارعي حتة مني

درست سيما

قولت اعبر عنھم بس بفنى

افلامى فى المعھد كسبت فى مصر

وبره مصر

قولت الحمد اﷲ

اخيرا دوقت طعم نصر

وفعلا اول لما اتخرجت

روحت اخرج اول فيلم ليا

اصغر مخرج فى مصر

وفى كل الدول العربية

اﷲ

دا شكل الدنيا بتضحك ليا

ودعت الميكروباص

وجبت لنفسي عربية

روحت اشتركت فى جولز

وسيبت انا نادى الطلبية

ومن 3 صحاب بقوا ستين سبعين ومية

اضرب كمان فى مية

واضرب كمان في مية

آمنت للدنيا وسلمت وقولت مية مية

ونسىت ان الدنيا دار ابتلاء

ودي بلية

خدت الخازوق الصح

وخوازيق الدنيا مغرية

نزل فيلمى فشل

محدش شافه

اخدت صدمه

اديتنى الدنيا ظھرها

وشلوت وبوكس ولطمة

مولد واتفض

محدش جوه قلبه رحمة

مش ممكن تعرف مين صحبك بجد

اﻻ فى المحنة

رجعت حياتى اسوأ م اﻻول

بعت العربية

والميكروباص اجرته زادت شوية

بمرور الوقت فلوسي طارت طارت

وبقيت مديون

ما بقيتش عارف ايه تصنيفى عاقل او مجنون

وفي يوم تعبت سخنت

عرقت فى السرير نمت

قالى الدكتور اوعاك يا ابني تزعل

قولتله زعلت

ما انا اصلي وقعت فى كدابين الزفة

ومنھم اتعلمت

في ناس تحبك وانت عالى

بس تسيبك لو وقعت

اتأثر الدكتور ساب الشنطة

ومسح عنيه

بص في عنيا تايه

مش عارف ھيرد بايه

طبطب عليا وقالى

في مثل قالوه زمان

صحبك بجد اللى يفديك

بنفسه فى الطوفان

مش ھو بتاع القعدة الحلوة

الضحكة والدخان

ضرب جرس بابي

فتحت لقيت صحاب زمان

صحاب اصيله

جم يزوروا اخوھم العيان

اﷲ لما تحس ان حد ھمه امرك

بيحبك من قلبه بجد

مش مصلحته ھبرك

مش بيضحلك

وھو بيحفرلك فى قبرك

مش مھم كتر المعارف

صاحب واحد اصلى ابرك

صحابي وقفوا جنبي

طلعونى من ليل سرمد

الضربة الجامدة لو ممتش منھا

تبقى اجمد

• Artist:Ahmed Mekky