'E ppentite [Italian translation]

Io stó dint'e "Ppentite". E tu addó staje?

E cu chi staje? Chésto vurría sapé...

Tu duórme 'a nòtte? Ma io nun dòrmo maje

e 'nnant'a st'uócchie véco sulo a tte...

Che vuó, che vuó? Nemméno si' cuntènto?

mo ca pe te m'hanno 'nzerrata ccá?

Si mamma aspétta 'o juórno ca me pento,

falle assapé ca só pentita giá...

Pentita 'e che? Pentita

ca t'aggio amato assaje!

'Nfame, nisciuna, maje,

fuje cchiù pentita 'e me...

Jurnate sane arèt'a gelusia

desideranno 'o sòle e 'a libertá...

Passa 'o pianino e saglie, 'a miéz'a via,

quacche canzóne 'e tantu tiémpo fa...

E i' canto. Che te cride? I' chiagno e canto

e po' jastémmo e po'...tòrno a cantá...

Ah, cómm'è allèra, 'int'a stu campusanto,

'sta sciantusèlla d'o cafè Sciantá!

Pentita 'e che? Pentita

ca t'aggio amato assaje!

'Nfame, nisciuna, maje,

fuje cchiù pentita 'e me...

Mme só' sunnato a n'angiulillo junno,

nennillu mio...ca me dicéva: "Oje má'...

Oje má, pecché m'hê miso 'ncòpp'o munno

quanno hê tenuto 'o còre 'e me lassá?"

No, ninno mio, mammá prèga 'a Madònna

ca nun 'a castigasse 'ncuóllo a tte...

Tu staje luntano, ma io te canto 'a "nònna",

cómme si t'addurmisse 'mbracci'a mme!

Pentita 'e che? Pentita

ca t'aggio amato assaje!

'Nfame, nisciuna, maje,

fuje cchiù pentita 'e me...

• Artist:Giulietta Sacco
• Album:Antologia della canzone napoletana Vol.6.