Dispiétto [Italian translation]

Dòppo tre mmise ll’aggio vista aiére;

éssa pure m’ha visto e s’è fermata:

se ne jéva pe 'ncòpp’ a li Quartiére,

e dint’ a na putéca s’ è ‘mpezzata.

Pe vedé sènza fàreme vedére,

nfénta aggio fatto de cagnare strata;

ma la nfama, capènno 'stu penziére,

è asciuta, s’ è vutata e s’ è turnata.

Io so’ rummaso friddo. Me sbattéva

‘mpiétto lu còre, e ‘mmócca la paròla;

vuléva dì: — Buongiòrno… — e nun putéva.

Uno ll’ha ditto : — Che bèlla figlióla! —

E, pe' farme dispiétto, essa redéva…

Essa redéva!… E se n’è ghiuta sóla.

• Artist:Salvatore Di Giacomo
• Album:Le videopoesie di Gianni Caputo