Desolation Row [Arabic translation]

ييعوا كروت بوستال للمشنقه

بيدهنوا جوازات السفر بني

الكوافير مليان بالبحارة

و السيرك وصل اليلد

و اهو وصل الحكمدار الأعمى

ممشينه في غيبوبة

ايد مربوطة في رقاص الحبال

والإيد التانيه في بنطلونه

و قوات الامن مقلقه

محتاجين مكان يروحوه

و انا والست بنتفرج الليلة

من صف الخراب

سندريلا ، دي خبرة و سهله

فترد "على اشكالها تقع الطيور"

و تحط ايديها على وسطها مبتسمة

بأسلوب هند رستم المعسول

و أدي روميو، بيتذمر

"أنت ليا انا اكيد "

فحد بيقوله " دخلت غلط يا صاحبي،

احسنلك تمشي بعيد "

و الصوت الوحيد اللي فاضل

بعد ما الإسعاف ما يروح

صوت سندريلا وهي بتكنس

في صف الخراب

تقريبا إختفى القمر

حتى النجوم ابتدت تغيب

و قارئة الفنجان كمان

لمت حاجتها و مشيت بعيد

الكل ما عدا قابيل وهابيل

و أحدب نوتردام

كله مستني المطر

او مولع اللمبة الحمرا مع المدام

و المواطنين الشرفاء بيغيروا

يستعدوا للمهرجان

نازلين المولد الليلة

في صف الخراب

و سالومي ،قاعدة تحت الشباك

عليها انا بخاف

في عيد ميلادها الاثنين والعشرين

شكلها عجز و شاخ

مع ان موتها كان رومانسي

لابسه حزام حديد

مهنتها ديانتها

خطيئتها بلادة الاحساس

و مع ان عيونها ثابتة

على قوس القزح الكبير

بتضيع وقتها في البحلقه

على صف الخراب

آينشتاين، متنكر في زي روبن هود

ذكرياته لاممها في شنطة

مر هنا من حوالي ساعة

مع صاحبه ، شيخ غيور

كان شكلة مرعب باناقة

وهو بيشحت في السبارس

ومشي وهو بيشمشم في المجاري

و بيسمع حروف الأبجدية

متصدقش لو بصيت في وشه

ده كان مشهور زمان

بعزفه على الكمانجه الكهربا

في صف الخراب

الدكتور قذر ،بيحتفظ بعالمه

جوه كوباية جلد

بس مرضاه عديمي الجنس

بيحاولوا يفجروه

و ممرضته ، فاشلة من المنطقة

مسؤولة عن دولاب السم

و هي اللي بتحفظ الكروت اللي بتقول

" الف رحمة تنزل على روحه "

كلهم بيلعبوا على الربابة

و ممكن تسمعهم شغالين

لو ميلت رأسك كفاية جوه

صف الخراب

على الرصيف الثاني بيمسمروا الستائر

بيستعدوا للعيد

و بيظهر شبح الأوبرا

في صورة مثالية لشيخ خطيب

و بيأكلوا كازانوفا بالملعقة

عشان يحسسوه بالإطمئنان

و بعدين هيقتلوه بالثقة بالنفس

بعد ما يسمموه بالكلام

و شبح الأوبرا بيصرخ لبنتين معصعصين

"إمشوا من هنا لو مش عارفين

ده كازانوفا بيتعاقب عشان راح

لصف الخراب "

وفي عز الليل كل المخبرين

والطقم الخارق الخطير

بيلموا كل اللي عارفين

اكثر من ما هما عارفين

و بياخدوهم للمصنع

و آلة السكتات القلبية

و يربوطها على كتافهم

و يغرقوهم كيروسين

جايبينوه من القلعه

عن طريق شركات التأمين

عاوزين يتأكدوا إن محدش هيهرب

من صف الخراب

الشكر لجنون نيرون

التيتانيك هتبحر عالفجر

و الكل بيرفع صوته ويزعق

"إنت تبع مين؟ "

و نحيب سرور و صلاح جاهين

بيتخانقوا في برج القباطين

في حين الغوازي فرحانين فيهم

والصيادين ماسكين اليسامين

بين شبابيك البحر

و في سط حوريات البحر الجمال

و محدش لازم يفكر كثير

عن صف الخراب

ايوه ، وصلتني رسالتك إمبارح

عن لما مقبض الباب انكسر

لما سألتني انا بعمل ايه

هيه ديه نكته سخيفة ؟

كل اللي ذكرتهملك

ايوه ، عارفهم دول فاشلين

اضطريت اعيد ترتيب وشوشهم

وأدي للكل اسم بديل

الحق يتقال مش قادر أقرا دلوقتي

متبعتليش رسايل تاني أرجوك

إلا إذا كنت هتبعتهملي

من صف الخراب

• Artist:Bob Dylan
• Album:Highway 61 Revisited (1965)