Dans un bouge du vieux port [Breton translation]

Pa vez sorc'hennet ar martolod kozh

gant hunvreoù diseven,

d'ar mare ma serr an noz,

petra 'dalv selaou war an draezhenn

galvadenn flour an tonnoù?

Rak du-hont morioù all

a chuchue outañ izel-kaer

gerioù n'int ket distaget gant hemañ.

'Barzh un toull lous war ar porzh kozh

e gav repu,

hag e luskell e velkoni

gant huñvreoù alaouret.

Mouget eo un eurvezh-pad

ar c'heuz poazh a grog ennañ.

P' emañ an akordeoñs o leñvañ

'barzh un toull lous eus ar porzh

morse ne glev-eñ

kan ar mari-morganed.

N'eo ket oc'h huñvreal

war ribl an tonnoù lusk-dilusk

e tegas d'e soñj ar pellvroioù.

Nann, n'eo ket o c'han

war ribl ar mor-veur

a gomz outañ eus e amourousted a-wechall.

'Barzh un toull lous war ar porzh kozh

e gav repu,

hag e luskell e velkoni

gant huñvreoù alaouret.

Mouget eo un eurvezh-pad

ar c'heuz poazh a grog ennañ.

P' emañ an akordeoñs o leñvañ

'barzh un toull lous eus ar porzh

morse ne glev-eñ

kan ar mari-morganed.

N'eo ket oc'h huñvreal

war ribl an tonnoù lusk-dilusk

e tegas d'e soñj ar pellvroioù.

Nann, n'eo ket o c'han

war ribl ar mor-veur

a gomz outañ eus e amourousted a-wechall.

• Artist:Édith Piaf