Damme 'a mano [Italian translation]

Damme ‘a mano… lentamènte

nu viulino sta sunanno

e i’ te tèngo, finalmènte,

còre a còre, strénta a mme.

Sènto ‘a tója dint’a sta mano,

sènto ‘o sciato ‘e sta vucchélla

e chist’uócchie, chianu chiano,

dint’ê miéje véco ‘e guardà…

Quanta vòte aggio penzato,

pure ‘nsuónno, a stu mumènto

e int’o suónno mancà ‘o sciato

me so ‘ntiso cómm’a mmo!

Sottavóce, lentamènte,

còre a ccòre dint’a ll’uócchie

mo te pòzzo, finalmènte,

ddóje paròle suspirà!!

Dimme, dimme, zittu zitto,

me vuò bène?..me vuò bène?

Fino a mo, nun me ll’hê ditto !

M’o vvuò dì ? M’o vvuò ddì mo?

Ma tu, quase… int’a sti bbraccia

viéne méno… t’abbandune…

E ‘int’a st’uócchie.. ‘int’a sta faccia,

quanta sì, Dio ! quanta sì!!..

• Artist:Salvatore Di Giacomo
• Album:Canzòne e ariètte nòve (1916)