Düşüncə lyrics

(verse: Qaraqan)

Onun hələ də ümidi var ki, anası diriləcək

Hələ də ümidi var ki, hamsı yuxudu bir gün ayılacaq

5 yaşında həyat tamam başqa cürdü

Yetim gözlərində həyat başqa cürdü, ailə başqa cürdü

İndi boş otaqda oyuncaqlar oldu özgə

Atanın əllərində anasının şəkilləri

Və həyat yeni oyunla başını qatdı

Uşaq göz yaşıyla oynadıqca

Layla oldu atası qaranlıqda hönkür-hönkür ağladıqca

Sehrli uşaqlıq illəri qaldı

Ananın qucağına həsrətlə keçən günlərin

Uydurma xəyallarına möhtac olmuş mavi gözlərin

İçində söndü arzular, divarda köhnə xalça

Tozlu süfrə boşdu, atası işdə, yazda soyuq, isti qışda

Və sərxoş qonşuların dava səsi eşidilir eyvanda

Oyuncaq heyvanlar yetim oğlanın yaxın dostu

Doldu isti zəhər atası evə gələndə yeni anayla

(skit)

- Sən heç uşaqların ağlamağın görmüsən?

- Hə, nə olub ki?

- Qəribədir, görəsən niyə ağlıyırlar ki? Onlar axı hələ heç nə görmüyüblər.

(verse: AiD)

Onun hələ də ümidi var ki, hər batan günəş geri dönən kimi

Cavanlıqda batmış xəyallar bir gün geri dönər

Üzdə yaranan hər süni gülüş kimi

Həkim qoyan diaqnoz bəlkə bir gün süni gələr

Onun hələdə ümidi var ki, artan qırışlar qocalığın deyil

Sadəcə ağlın, biliyin əlaməti

Hər edilən xəyanəti yadda saxlamaq kinli olmaq kimi görünə bilər

Amma necə olur ki, gənclik illərində fərqli-fərqli ölkələrə səyahət

İndi fərqli-fərqli xəstəxanalar ilə əvəz olunub

Məhşur olan seriallar məhşur olan dərmanlarla

Sevinc verən əyləncələr əzab verən iynələrlə əvəz olunub

Hər şey başqa cürə də ola bilərdi, amma olmadı

Ola da bilməz, çünki alın yazısı hərədə bir cürdü

Hər şey dəyişdi sevimli oğul evə gələndə

Ondan son hədiyyə, qocalar evinə dəvətnamə

(skit)

- Sən heç qocaların ağlamağın görmüsən?

- Hə, nə olub e?

- Qəribədir, görəsən niyə ağlıyırlar ki? Onlar axı hər şeyi görüblər.

(verse: PRoMete)

Onun hələ də ümidi var ki, gecə keçib sabah olanda

Gül dəstəsi üstündə açıqca, kimsə açıqlar məhəbbətini

Anladar vurulduğunu, o da ona anladar yorulduğunu

İllərin amansız axınlarına qoşulduğunu

Günbəgün təklikdən sıxıldığını anladar

Sevgisiz necə çətindi yaşamaq

Həyat adlı oyunun əzabı keçdiyi ilə razılaşmaq haqqında uzun-uzun

Amma yox, bütün bunlara sərf eləmək üçün deyil ucuz

Amma yenə süküt, yenə qəhər, yenə kədər

Yada düşəndə yanında heç kəs yoxdu

Təkcə şikəstlər düşünür bu dərdlər bitər

Əlinə bir stəkan səhər

(skit)

Bəs sən? Sən heç ağlamısan?

• Artist:H.O.S.T.