Comme une sœur [Breton translation]

Evel he c'hoar, dibennet ma oa,

heñvel e oa-hi ouzh he foupinell.

Deuet eo d'ar stêr

evit soubañ he zroad munut ur frapadig.

Dre ur gwidre diouzh ma giz

e ran neuz da vezañ ur pesk;

en em drevezan e krankal

hag e gourvezan e strad an dour.

A-drugarez d'ar moian-se, chañs-vat am eus

da zantañ penn he zroad:

biskoazh, m'en tou, n'en deus ur rikin

tañvaet ur meuz ken lipous.

Ma c'hastizañ a reas eus ma hardizhegezh

dre zerc'hel ma fri en dour.

Evit sevel he zruez ret e voe din

ober neuz da veuziñ.

O soñjal em boa lazhet

setu-hi o sederaat

ha pokat din ha ma dantañ

evit ma resusitañ diouzh an Anaon.

Mard eo se ar sord eo ret gouzañv

da goulz an huanad diwezhañ,

mard eo se planedenn ar re veuzet

e tistroan d'en em strinkañ en dour.

D'an deiz war-lerc'h, da di he zud

on diredet evit goulenn he dorn;

met o vezañ ma n'em boa tra

em hini, youc'het e voe warnon "Kae ac'hann".

Dilezet e voe da orgediz

un doare kozh varc'hadour,

ur gwir hailhon, ur sac'had aour,

koshoc'h eget Herod pe Nestor.

Hag abaoe o eured e c'hortozan

gant ma c'halon war c'hlaou bev

ken a teuio an Ankoù da falc'hat

ar geot dindan treid ar kozh c'hripon-se.

Pa vo-hi un intañvez glac'haret,

goude bezañ e zouaret

spi am eus he zeuio

d'ober he neizh etre ma divrec'h.

• Artist:Georges Brassens
• Album:Le vieux Léon