Cânticu di sârmânitsâ lyrics

Liole-le dit sîrmîniţă,

Bate vimtu la purtiţă,

Anghil bun, lai anghil domn,

Intră-n casă şi-adu somn!

Nani, nu-ni te-aspare, nani

Că va-ţi da dada curbane,

Bair di flurii di guşe

Şi-un ghiurdan di lîndăruşe,

Şi-ună pade

Di livade,

Să-ni te-agioţ cu dada-mpade

Să-ni ţ-adună

Nuna-Lună

Şi-nunul-mare,

Soare, -

Steale ună cîte ună

Să-ni ţ-adar ciupare.

S-hină maia

S-bată gaia,

S-hina paplu

S-bată-araplu,

Şi-ună price

Licurice,

Cari doarme tu lilice.

Si-ni te-acaţă

Somnu-n braţă –

Tra s-ţ-alasă

Vis pri faţă,

S-ni-acreşti mare –

Puiliu di vreare,

Livindeaţă!

• Artist:Mihali Prefti