بوهالي [Bouheli] [English translation]

{المقطع الأول}

سهران يشرب في كاسو في البار ممحون يواسي في محانو

فاتو العُمر و فاتتو الكار و ما خلص الكريدي في الحانُوت

مروح ضلمة بالسرڨة للدار خاتر في الحومة مسال و مديُون

و حلاّت في عِينو بنت الجار أما مشات مع مولا الملِيون

حارة بيرة و قضية للدار شهرية مشَات بين ركُوب و صابون

ناسي الانثى و نَاسي يجيب صغار و لا وينك حَبيبي في التاليفُون

لا كستيمو لا باكو نوار و لا في بردو لاڨي حُضن سخُون

ليل أمخر و فاتتو الكَار حارة بيرة و الكمية زيتُون

و يحب يغني و يغني و يغنييييي

امتى الدُنيا تزهالييي الدُنيا

تحلاليي

و عَايش بوهَالي

يحبُوك عَايش بوهَالي

و عَايش بوهَالي

يحبُوك عَايش بوهَالي

{المقطع الثاني}

فطُور الصبَاح قهُوة كحلة و ڨارو و حتى زحمة بالقاري و الخدام

و تعدات ڨدامو بنت جَارو يحب يعبر ما لڨاشي الكلاّم

لا لاڨي صرفو و لا دينارو و سعد الي تكلّم و جيبو مليَان

ما لڨاشي كير لڨا بِيك و كارّو و الموجيرة ركبة في البم

لا رخصة يَا مَا و لا بانِي دارو يشُوف في شعرو شاب مع الأيام

يجري عَالخبزة ما لڨا مسوارو رخصة الناس وغلات الأسوام

قاعد في البَار يخمم في جارو و بنت الجَار ما عملتلوشي جام

و حلات السكرة و فاتتو كَارو حَارة بيرة و الكمية أوهام

و يحب يغنِي و يغنِي و يغني

أمتى الدُنيا تزهالي

الدُنيا تحلاّلي

و عَايش بوهَالي

يحبُوك عايش بوهَالي

و عايش بُوهالي

يحبُوك عَايش بوهَالي

{المقطع الثالث}

لا خبر يفرّح لا طلع المورال و الشهرية تمشِي قبل مَا تجِي

لا أساماس و لا مساج فوكَال لا وينك حُبي لا وينك شيري

و تمشي ليَام و زيد ضاڨ الحال و غلات الخبزة لي علاّها يجري

و غَابت بنت الجار و غيابها طَال رجعة براجل و زوز ذراري

غزَال و شَارد ضايعْ في الأدغَال و ضِبع يحَوِم علّى لحم طري

و القلّوب ولات كيمَا الصلصَال مرّ تكساح و مرّ تسوفري

و رخص بنَادم و طاح الدُينار تبّع كي البڨرة أضحكْ كِي الفاش كيري

و كيف العَادة فاتتو الكَار سكر البار و ڨالولو بون نوي

و يحُب يغنِي و يغنِي و يغنِي

أمتى الدُنيا تزهَالي

الدنيا تحلالي

و عَايش بوهاَلي

يحبُوك عَايش بوهَالي

و عَايش بوهَالي

يحبُوك عَايش بوهَالي

• Artist:Balti