Besser wöhr et schon lyrics

Et weed enger, dat weiß mer sick Johre,

Dä Jan hätt och jetz sing Arbeit verloore.

Hann ich doch jesaat, lang ess ussjemaat,

Dat die irj’ndwann övver Naach zomaache, un dat wohr’t dann.

Ess övverall su, irj’ndwie dä Wahnsinn.

“Weltweite Krise“ – tja, künnt jet draan sinn.

Echt, ich weiß nit, wodraan et litt,

Wer et dann nu wohr, wer die Kaar ‘nn dä Dreck kutschiert hätt.

Oh Mann, wie lang jläuvte mir do draan,

Dat die Chefetaasch do noch für uns draan drieht.

Wer weiß, ahm Engk wöhr dat nit passiert,

Hätt sich unsereins ens fröh jenooch jewehrt.

Besser wöhr et schon,

Et möht sich bloß ens wer bemöhe.

Besser wöhr et schon,

Wiesu jraad ich? Ich hann zo dunn.

Besser wöhr et schon,

Doch wat ess hück schon noch wie fröher?

Besser wöhr et schon,

Nur, wie jesaat: Ich hann zo dunn.

Okay, Mann, mer will jo nit klaare.

Nä, em Ähnz, Mann, et ess zo erdraare.

Schad eijentlich, wat et Tanja un ich

Uns sick e’ paar Johr alles enn de Hoor jeschmiert hann.

Oh Mann, hätt ich bloß noch ens die Chance,

Wenn du wöss, wie’t Tanja mich ens fasziniert hätt.

Wer weiß, ahm Engk wöhr dat nit passiert,

Hätte mir uns mieh fürnander intressiert.

Besser wöhr et schon,

Et möht sich bloß ens wer bemöhe.

Besser wöhr et schon,

Wiesu jraad ich? Ich hann zo dunn.

Besser wöhr et schon,

Doch wat ess hück schon noch wie fröher?

Besser wöhr et schon,

Nur, wie jesaat: Ich hann zo dunn.

Leider.

• Artist:BAP
• Album:Comics & Pin-Ups (1999)