بيت جدتي [Beit Gedity] lyrics

فتحت عنيا لقيت ناس ولمة وبيت

ويوم الجمعة مليان بعيلة بتملي المكان

حب كبير فرحة وخير وإحساس بالأمان

بيت جدتي الجميل موجود هنا بقاله زمان

بيت جدتي الكبير

كبار وصغيرين حبينه تاخدنا الدنيا ومش ناسينه

واللي سابونا مش سايبينه طيفهم بينا مالي الأركان

من بدري الصبح وأنا صغير وولادي اهم والله ما اتغير

لعب وعيلة كأنه عيد .. راحة ونور عمال بيزيد

في الدنيا دي لما جيت واخدوني وروحنا هناك

عشت فيه كان ليا سبوع حلقات وبرجلات

شايف كل حياتي فيه حاجات جاية وذكريات

وأول مرة فيه صليت وهنا كتابي أتكتب

بيت جدتي الكبير

كبار وصغيرين حبينه تاخدنا الدنيا ومش ناسينه

واللي سابونا مش سايبينه طيفهم بينا مالي الأركان

من بدري الصبح وأنا صغير وولادي اهم والله ما اتغير

لعب وعيلة كأنه عيد .. راحة ونور عمال بيزيد

صواني بالكحك المملية

فطار العيد ريحة الطعمية

والجمعة رز عليه ملوخية

عادة لينا مهما نغيب

مهما مشيت فيه ليا مكاني

مهما بعدت انا هرجع تاني

سايب فيه قلبي وعنواني

دايما ليا الباب مفتوح

• Artist:Mahmoud El Esseily