Avite maje liggiuto lyrics

Avite maje liggiuto quacche còsa

Ca, zumpanno, v’ha fatto, llà ppe llà,

nu scióre sicco, na frunnélla ‘e ròsa,

nu mutivo ‘e canzóne allicurdà?

D’allicuórde campammo. A ppòco a ppòco

Cénnere frédda avimm’addiventà,

ma sèmpe sott’a cénnere lu ffuóco

d’e tiémpe bèlle s’annascunnarrà

Va, libbro, atturniato d’angiulille,

scéta stu ffuóco e nun ‘o fa stutà:

nu scióre sicco, nu ciérro ‘e capille

a chi te lègge fall’allicurdà.

• Artist:Salvatore Di Giacomo
• Album:Le videopoesie di Gianni Caputo