اخر اغنيه [Akher Oghneya] [Transliteration]

اسمع مني المفيد عاهات كتير و تقاليد

المجتمع اجتمع ضد التجديد

فكر الناس تعبان عيان و مريض

ابحث معايا و دور عالمستفيد

المستفيد هو المتحكم فيك اللي ممشيك

جنب الحيط بيجيبك و يوديك سيطر عليك

حابسينك جوه نفوخك قضبان السجن خوفك

بتخاف تفكر بحريه لحد يشوفك

كلامي مش ضد النظام فقط كلامي ضد العبيد كمان

لو ميت الف نظام سقط هنفضل برضه في نفس المكان

في حاجات وتساؤلات وعادات بقت عاهات

وتقاليد محتاجه تجديد والتاريخ عمال يعيد

في حرب ضد الحريه و الحريه ممنوعه

كل العقول الرجعيه كلمتهم هي المسموعه

اتربينا علي ان الحيطان ليها ودان

طب انزل بالمزيكا سمعهم بالفم المليان

[4* لازمة]

لو دي اخر اغنيه ليا

هفضل اغني عن الحريه

قولوا معايا بصوت عالي

حريه

يعني تغير

يعني حريه في التفكير و التعبير

حريه يعني اختيارك مش اختيار الغير

صراع اجيال عالمكشوف

اصبح عيني عينك

عاوزينك تمشي علي خط سيرهم

مش خط سيرك

الكبير عاوز يعيش في الماضي وعالحاضر يسيطر

بيفكروني باعلان اسكنشايزر

مهما اتتكلم صوتي مش مسموع

كلامي دايما بالنسبه لهم فارغ و ممنوع

سبني احلم حلم جديد و خارج عن المألوف

مش عاوز امشي في قطيع زي الخروف

بلدنا شابه يعني اغلبها من الشباب

قتلتوا فيه الولاء و قفلتوا في وشه الابواب

عندنا احلام كتير اديني فرصه اسوق

انا كل هدفي اشوف بلادي فوق

رقم سبعه ممكن يبقي تمانيه

لو بصيت عليه م الناحيه التانيه

[4* لازمة]

لو دي اخر اغنيه ليا

هفضل اغني عن الحريه

قولوا معايا بصوت عالي

حريه

قال ايه بيقولوا عليا خايف

اركن ياض علي جنب و حط احمر شفايف

عملت ثوره جوايه و لسه مستمره

الحلم عايش معايا كلمتي لسه حره

غنيت في كل العهود و كنت الصوت ساعه ما يحبوا الدنيا سكوت

الحريه يعني تضحيه و اختبار وانا قد المسئوليه وللاخر هكمل المشوار

انا مش لوحدي انا فكره زي البزره هتدفنوها هتطرح بكره

عمري ما هبيع احلامنا و الشهيد اللي سبقنا

خدني علي سجنك خليني اشوف شبابنا

الرجاله بحق في السجون ساكنه

[4* لازمة]

لو دي اخر اغنيه ليا

هفضل اغني عن الحريه

قولوا معايا بصوت عالي

حريه

• Artist:Cairokee
• Album:No'ta Beeda (نقطة بيضا)