Aggio perduto ammóre

Ammóre perduto, pecché m'hê lassato?

Pecché si fujuto? Rispunne, pecché?

Ammóre perduto, rispunne a 'stu còre.

Pecché riéste muto? Dimméllo 'o ppecché!

Aggio perduto ammóre pe na fatalità,

‘mpiétto me chiagne 'o còre,

nun se po' rassignà!

'Stu còre ca paréva indifferènte,

c'o bbène tujo nun le 'mpurtava niénte,

mo’ c'ha perduto ammóre

che péna ca me fa,

sòffre pe stu dulóre,

pe 'sta fatalità.

Ammóre perduto, t’avévo truvato,

nun aggio saputo tenérte cu mme,

ammóre perduto, m'ha ditto 'stu còre

ca tarde ha saputo che si’ pe mme.

Aggio perduto ammóre pe na fatalità,

'mpiétto me chiagne 'o còre,

nun se pò rassignà!

'Stu còre ca paréva indifferènte,

c'o bbène tuio nun le 'mpurtava niénte,

mo’ c'ha perduto ammóre

che péna ca me fa’,

sòffre pe 'stu dulóre,

pe' sta fatalità.

• Artist:Totò
• Album:Luce per Totò (2009)