Acqua passata [Italian translation]

Ncòpp’ a 'st’ànema scujèta

sta chiuvènno friddo e néva !

Mamma mia, che brutta frèva

'sta vernata pòrta a mme !

Mo ca viérno ‘ncasa ‘a mana,

frédda frédda e lènta lènta,

'ncòpp’a 'st’ ànema scuntènta

ll’ata néva ha dda cadè ;

e, affannato, giro attuórno

cómm’ ô pàssero sperduto

e nun tròvo maje n’ aiuto,

maje na làcrema ‘e buntà.

Te ricuórde, còre mio?

Mare ‘argiénto e stélle d’òro!

Giuventù, si’ nu tesòro

che fa’ luce e se ne va!

Te ricuórde? Che suspire,

che paròle ‘nzuccarate,

che caruófane scarlate,

quanta ròse ‘int’ê buché !

Era Maggio, sèmpe Maggio !

Sciure, làcreme e canzóne;

e muréva ‘e passióne

chistu còre appriésso a tte.

Tutt’a vita èra na giòja,

nu ricamo ‘e serenata !

Ògne suónno ‘int’a nuttata

me venéva a rricurdà

na pruméssa ‘e Carulina,

nu carizzo ‘e Rusinella,

nu ciardino ‘e tavernella

addò jévemo a mmangià…

'Nnammurate sèmpe attuórno !

Bèlli tiémpe ‘e cuntentézza !

Giuventù menava ‘a rézza

e furtuna a chi ne vo’ !

Chistu còre, liéggio liéggio,

ne facéva giuramènte !

Prumettéva óre e mumènte,

nun dicéva maje che no !

Mo me scénne dint’o còre

nu silènzio ‘e friddo e néva !

Mamma mia, che brutta frèva

'st’ atu viérno pòrta a mme :

e cchiù trèmmo e cchiù te pènzo,

giuventù passata e mòrta…

M’è rummasta ‘a mala sciòrta

e sacc’io, sacc’io pecchè .

• Artist:Ferdinando Russo