Absolut ziellos lyrics

Klar, die Unschuld ess verloore,

Illusione liej’n em Dreck,

Övver dä mer stolz jefloore –

Johrzehntelang ohne Jepäck.

Kamikaze, die nie stirve,

Op jed Drohtseil ohne Netz,

Schwindelfrei un ohne Nerve,

Em Zweifelsfall op „Zero“ jesetz

Un wenn et dann eng wood wie jetz, simmer

Absolut ziellos,

Nur noh Jeföhl un ohne Plan

Irjendwohin – „Bloß

Weg he, sulang mer noch weg kann!“

Benjamin, wat määt dä Broadway?

Evelyn, wat koss Paris?

Ziggy, mohls du noch wie Hockney?

Kein Ahnung, wo du dich römdrievs.

Dat mem Max wohr schon ’ne Tiefschlaach,

Dat dat unsereins passiert!

Wer wollt schon wesse, wer zoletz laach?

Un, Nathalie, wie jeht et dir?

Du häss noch die „Some Girls“ vun mir!

Absolut ziellos,

Nur noh Jeföhl un ohne Plan

Irjendwohin – „Bloß

Weg he, sulang mer noch weg kann!“

• Artist:BAP
• Album:Sonx (2004)