Hymn to Ninkasi lyrics

1a zal-le u3-tud-da [X] X [X X]

2dnin-hur-saj-ja2-ke4 mi2 zid-de3-[ec dug4-ga]

3dnin-ka-si a zal-le u3-tud-da X [...]

4dnin-hur-saj-ja2-ke4 mi2 zid-de3-ec dug4-ga

5iri-zu lal3-hur-re ki us2-sa

6bad3 gal-bi cu mu-ra-an-du7-du7

7dnin-ka-si iri-zu lal3-hur-re ki us2-sa

8bad3 gal-bi cu mu-ra-an-du7-du7

9a-a-zu den-ki en dnu-dim2-mud-e

10ama-zu dnin-ti nin abzu-a

11dnin-ka-si a-a-zu den-ki en dnu-dim2-mud-e

12ama-zu dnin-ti nin abzu-a

13si nij2-silaj jicmar-mah-a du8-a-zu

14cim-lal3-ta ub4-ba bappir2 hi-hi-a

15dnin-ka-si si nij2-silaj jicmar-mah-a du8-a-zu

16cim-lal3-ta ub4-ba bappir2 hi-hi-a

17bappir2 udun-mah-e du8-a-zu

18zar gu2-nida-am3 si sa2-sa2-am3

19dnin-ka-si bappir2 udun-mah-e du8-a-zu

20zar gu2-nida-am3 si sa2-sa2-am3

21munu3 sahar jar-ra a sig9-ga-zu

22ur me-me nam gam-gam-ma-am3

23dnin-ka-si munu3 sahar jar-ra a sig9-ga-zu

24ur me-me nam gam-gam-ma-am3

25sun2 dug-a a jar-ra-zu

26i-zi zi-zi-dam i-zi ja2-ja2-dam

27dnin-ka-si sun2 dug-a a jar-ra-zu

28i-zi zi-zi-dam i-zi ja2-ja2-dam

29titab gikid-mah-a barag2-ga-zu

30cag4-ced8 AN dab-ba-a

31dnin-ka-si titab gikid-mah-a barag2-ga-zu

32cag4-ced8 AN dab-ba-a

33kacdida gal cu tab-ba jal2-la-zu

34lal3 jectin tec2-ba sur-ra-a

35dnin-ka-si kacdida gal cu tab-ba jal2-la-zu

36lal3 jectin tec2-ba sur-ra-a

37[NIJ2 ...]

38[kacdida dug-ce3 mi-ni-in-X X]

39dnin-ka-si NIJ2 X [...]

40kacdida dug-ce3 mi-ni-in-X X

41dugnij2-dur2-bur 3-e gu2 nun di-dam

42lahtan-mah-a mi-ni-in-si-sa2-am3

43dnin-ka-si dugnij2-dur2-bur3-e gu2 nun di-dam

44lahtan-mah-a mi-ni-in-si-sa2-am3

45kac si-im duglahtan-na de2-a-zu

46id2idigna id2buranun-na saj sig10-ga-am3

47dnin-ka-si kac si-im duglahtan-na de2-a-zu

48 id2idigna id2buranun-na saj sig10-ga-am3

• Artist:Songs of Ancient Mesopotamia