יאנקעלע [Yankele] [Transliteration]

שלאָף זשע מיר שוין‏ יאַנקעלע מייַן שיינער

די אייגעלעך‏ די שוואַרצינקע מאַך צו‏

אַ ייִנגעלע‏ וואָס האָט שוין אַלע ציינדלעך‏

מוז נאָך די מאַמע זינגען אייַ־ליו־ליו?‏

אַ ייִנגעלע‏ וואָס האָט שוין אַלע ציינדלעך‏

מוז נאָך די מאַמע זינגען אייַ־ליו־ליו?‏

אַ ייִנגעלע‏ וואָס האָט שוין אַלע ציינדלעך‏

און וועט מיט מזל באַלד אין חדר גיין‏

און לערנען וועט ער חומש און גמרא‏

זאָל וויינען ווען די מאַמע וויגט אים אייַן?

און לערנען וועט ער חומש און גמרא‏

זאָל וויינען ווען די מאַמע וויגט אים אייַן?

אַ ייִנגעלע‏ וואָס לערנען וועט גמרא‏

אָט שטייט דער טאַטע‏ קוועלט און הערט זיך צו‏

אַ ייִנגעלע וואָס וואַקסט אַ תּלמיד־חכם‏

לאָזט גאַנצע נעכט דער מאַמען נישט צורו?‏

אַ ייִנגעלע וואָס וואַקסט אַ תּלמיד־חכם‏

לאָזט גאַנצע נעכט דער מאַמען נישט צורו?‏

אַ ייִנגעלע וואָס וואַקסט אַ תּלמיד־חכם‏

און אַ געניטער סוחר אויך צוגלייַך‏

אַ ייִנגעלע‏ אַ קלוגער חתן־בחור

זאָל ליגן אַזוי נאַס ווי אין אַ טייַך?‏

אַ ייִנגעלע‏ אַ קלוגער חתן־בחור

זאָל ליגן אַזוי נאַס ווי אין אַ טייַך?‏

נו,‏ שלאָף זשע מיר מייַן קלוגער חתן־בחור‏

דערווייַל ליגסטו אין וויגעלע בייַ מיר‏

ס׳וועט קאָסטן נאָך פֿיל מי און מאַמעס טרערן

ביזוואַנען ס׳וועט אַ מענטש אַרויס פֿון דיר‏

ס׳וועט קאָסטן נאָך פֿיל מי און מאַמעס טרערן

ביזוואַנען ס׳וועט אַ מענטש אַרויס פֿון דיר‏

• Artist:Chava Alberstein