Viérno lyrics

È tantu tiémpo che nun ghièsce ‘o sòle.

Vih, quanta pucundria pe 'mmiéz’ê strate!

For’ê balcune ‘e ttèste, sóle sóle,

me pàreno tant’àneme scurdate !

‘O friddo gela ‘e ddéte cu ‘e pparòle

‘mmócca a ciérti tale nnammurate !

Sentite cómme chiàgneno ‘e ffiglióle

ca so’ fernute tutt’e sserenate !

Vih che nuttata néra !.. Lampe, tuóne..

Cade ll’acqua a llangèlle..Mamma mia !

Trèmmano tutt’e llastre d’o balcóne..

Manco nu cane passa 'mmiéz’â via…

Pèggio ‘e nu cane i’ so’ ! Cu sta tempèsta

stóngo tremmanno sótt’a sta fenèsta !!

• Artist:Pasquale Cinquegrana