Venezia [Venetan translation]

Venessia che mòre

Venessia pusada sul mar

Ea dolse ossesion dei so ultimi giorni tristi

Venessia ghéa vende ai turisti

Che i serca in meso aea xente l'Europa o l'Oriente

Che i varda alsarse de sera el caìgo o ea rabia

De Porto Marghera

Stefania ea gera bèa

Stefania no ea stava mai mal

Ea xe morta de parto, sigando su un leto suà

de un grando ospeàl

Ea gaveva vinti ani, un marìo e l'anèo al déo

Me ga dito confusi i parenti che quasi el fià

Se insepava sui denti

Venessia xe un albergo

San Marco xe de sicuro anca el nome de 'na pisseria

Ea gondoea costa, ea gondoea xe soeo un bel giro de giostra

Stefania d'istà

Ea xogava co mi nee vode domeneghe de ossio

Me mare ea parlava, so mare ea vendiva Venessia in negossio

Venessia xe anca un sogno

De quei che ti pol comprar

però no ti pol svegiarte co' l'acqua aea goea

E un doeor a livèo del mar

El Doge ga cambià casa e par mìe finestre

Ghe xe soeo el pianto de un putìn che xe nato, ghe xe soeo

ea sirena de Mestre

Stefania 'ndando xo

Stefania ga assà calcossa

Novella duemila e 'na rosa sul so comodin

Stefania ga assà un putìn

No so se ai parenti ghe gabia fato davero mal

Vederla morir copada, morir da soea

In un grando ospeàl

Venessia xe un imbrògio

Che impenisse ea testa soeo de fataità

Del resto del mondo no ea sa più un casso

Venessia xe ea gente che se ne ciava!

Stefania xe un putìn

Comprar e vendar Venessia sarà el so destìn

Pol darse che un giorno saremo contenti

de essarghe soeo lontani parenti...

• Artist:Francesco Guccini
• Album:Metropolis