Tuɣac n ddkir lyrics

Nettwali-ken tebdam tikli

Di tlemmast n yiḍ

Ay imezwura

Yiwen ur yeɣli

Yiwen ur yecciḍ

Ur iberra

Trefdem taɛkemt s igenni

N tmes d usemmiḍ

S ccna d isefra

S yal ixef n yizli

Telḥam tardast

Ɣer tafrara

Yal taɣect

D afenǧal n tafat

Tejɣem tikli

Yal awal usefru

D aɛeqqa n tlelli

Teddam d iẓuran

Akked tara teddukul

Yis-wen i d-nerra

Tudert i tmaziɣt

D kunwi i d llakul

I deg i tt-neɣra

Asmi i d t-lulem nemmuger tafsut

I izelzen akk leɛrac

A tarwa n ccna

Tbeddem-d am tafukt

I si d-yuli wass-nni i nmenna

Yal wa amek i d-icerreg tagut

S wezrar n tuɣac

Awal i d-nenna

Ternam-as ṣṣut

Alammi ulac i ɣef i nɣenna

Yennerna di ccan

Alammi yuli kra yellan d taseddart

Amkan i as-tgam

D win ugerruj n tudert

Awal n tjaddit

Amezruy n yimaziɣen

D kenwi i as-igan iɣes

Yugaren lǧehd n uzzal

Ur sefsayen

Ayen nebɣu nexdem-it drus

I tmurt ad d-tifrir

Ay inaẓuren

D tayri i d-nesrus

S tuɣac n ddkir

Gar yimdanen

Ccna n tlawin i d-igren afus

Ɣer ɣur-nneɣ a yaxir

Tugar uguren

Tfeǧǧeǧ s wagus

Am timi n ṭṭir

Gar wayyuren

Wid i d-iteddun

D azal ara nernu-n i ddunit

I tmurt ad d-ssun

Tagmat yenɣan tawaɣit

A yimaziɣen a timura n Tmazɣa

Tikli i d-nedda

S yidles d lehna

Isem-nneɣ ad d-yali

Gar tmura

• Artist:Ferhat Imazighen Imula
• Album:Tuɣac n ddkir (chants d'acier... d'amour et de liberté)