Azekka [demain] lyrics

I si d-ifuǧ yiḍelli

Mɣen-d fell-as isigna

Ṭṭlam yebda la d-iɣelli

Lqedd n tafat yekna

Yeṛṛeẓ usekkud n tlelli

Yekber yifer n tninna

S tcemmuɛt i d-nebda tikli

Mi aɣ-texsi nessaɣey-itt

S taɣect-agi i la d-nettawi

Azekka ad yali wass

Ccek ur yelli

Tamurt ad tt-cebbeḥ s tarwa-s

Ara tcebbeḥ tayri

Ulawen-nneɣ imeḥbas

Ad zedɣen deg ul n tlelli

Deg yigenni-nneɣ iṭij d alemmas

Ur t-nettaǧǧa ara ad yeɣli

Iḍ-agi ɣer i d-neṭterḍeq

La yettnejbed irennu

S ṭṭlam-is i aɣ-ixenneqq

S lmut-nneɣ i la d-iḥeggu

Deg wayyuren-nneɣ i la ineqq

D uẓar yugin ad as-yeknu

Xas nuɣal d igujilen nḍaq

A tarwa mači ad nefnu

Ma lwaḥid nekker ncennu

Azkka ad d-yali wass

Xas ɣezzifeḍ a yiḍ

Allen-nneɣ i ḥeǧbent tilas

Ad walin-t am tiyiḍ

Tayri d iṭij ara d-tas

Ɣef yenyir-nneɣ ad tettfeggiḍ

Yal wa ɣef tlelli d aɛessas

Mi ara iɛeddi waḍu n yisiḍ

Azekka ass ad d-yali

Am tqucac ɣef idurar

Ma s wul kan i la t-nettwali

Ul yeẓra ayen yellan yeffer

Iṭij mi ara d-yeflali

D wid ɛzizen ar aɣ-id-yerr

Ma nruḥ ad ten-nettu

Ad aɣ-id-yesmekti

Seg yimi-nneɣ ad aɣ-id-yessenser

Taɣect-agi i d-nettawi

Azekka d iḍ n uẓekka

D aẓekka n yiḍ

Ccfawa-nneɣ tettekka

Ɣef udeddic n nfiḍ

Ayen akk i aɣ-igan akka

Ad nergel yis-s tiṭ n usemmiḍ

Ad as-nerr kra i d-aɣ-id-yefka

Ad yettqabal aḍu n yisiḍ

• Artist:Ferhat Imazighen Imula
• Album:Chants du feu et de l'eau, Tuɣac n tmes d waman