سۆزی شەوێک [Sozi Shawek] [Transliteration]

گوێم بۆ ڕادێرە بەس تەنها ئەمشەو

لە دوو دیدەی من میوان نابێ خەو

بەس تەنها ئەمشەو تۆ میوانم بە

هەڵگری نازی هەست و سۆزم بە

ڕایژێنە تاوێ بێشکەی دڵی من

دامرێنەوە کوڵی گریەی من

تۆ بووی ئاودێری باخی دەروونم

ئیلهامی شێعری بەستەی ئەوینم

چۆن دەستت تێی چوو ئەو باخە جوانە

وا پێشێلی کەی بێ بەزەییانە

ئەم حەزە دیلە ڕوو لە بەرەو کوێ

ئاهی ئەشکی من ئۆباڵی بەکێ

بێ سۆراخ و شوێن وا بووم سەرەڕۆ

بووم بە هەڵگری بارگەی خەمی تۆ

چۆن دڵت توانی دڵم بشکێنێ؟

داستانی عەشقم هەرەس پێ بێنێ

ئەم سوێیە تا سەر لە دڵم دەر ناچێ

بێ وەفایی تۆم هەر لە یاد ناچێ

• Artist:Bahjat Yahya