Signorinella [Venetan translation]

Toseta pàida

Dolse vissìna del quinto pian

No ghe xe nòte che no me insogno de Napoi

E xe vinti ani che abito distante.

Al me paese nèvega

El campanìl dea césa el xe bianco,

Tute 'e legne e xe deventae sénare

Mi gò sempre fredo

E so' tristo e stufo.

Amor mio

No ti te ricordi che dixendome adìo

Ti me ga messo ne l'asola 'na viòea

Po' ti me ga dito coea voxe trista:

No sta desmentegarte de mi.

Bei tempi de baldoria

Dolse feissità fata de gninte

Brindisi coi gòti pieni de acqua

Al nostro amor poreto e inosente.

Nei to òci ghe gèra 'na speransa, un sogno e 'na caressa,

Ti gavevi un nome che no se desmentega

Un nome eongo e curto:

Giovinessa.

El me putìn,

Drento un vècio libro de latìn

El ga trovà - pensa un fià - na vioea

Parcossa xe che dai òci me xe cascà 'na eàgrema?

Chi sa, chi sa parcossa!

E i ani i passa

tuti compagni e tristi coea noia,

'E nostre fòge no 'e torna più verdi,

Toseta, che tristessa!

Ti, inamorada e pàida

No ti ricami più al to téèr,

Mi so' deventà el bon Don Cesare,

Porto ea gabana e fasso el notèr.

Invesse in lontanansa,

Mentre te scolto, sona ea campana

Dea ceseta del Gesù,

E nèvega, ti savessi quanto che nèvega

Ma ti, dove ti xe?

• Artist:Carlo Buti