شحات الغرام [Shahat El-Gharam] lyrics

شحات.. ومد ايديه وكسر خاطره حرام

حدفه الهوى هنا ليه؟

طالب تحنوا عليه ، يا محسنين الغرام

ونحن قولى بإيه ؟

ارموله نظرة ، ولا ابتسامة

حسنة وتنقع يوم القيامة

يعطيك لله يعطيك

والنبى إحسان لله

قلت على الله على الله

وأنا قلت كمان لله

اسرح... لله لله

روح ... لله لله

يا محسنين الغرام لله

ــــــــــــــــــــــــــــــــــــــ

يا ارق خلق الله

ضيف الجمال مكروم

هو احنا ضيفناه؟

ما تردينيش محروم

إيه كل ده .. إيه كل ده ، باين عليك طماع

هو كده .. هو كده ، الشحاتين انواع

كلمة رضا لله

عايز الرضا صدقة ؟

ساعة صفا لله

زودتها يا شحات

اسرح ..... لله لله

روح ..... لله لله

يا شحاتين الغرام على الله

ــــــــــــــــــــــــــــــــــــــ

يظهر صحيح اللى بتشكيه ، غلبان يا روميو الشحاتين

غلبنى إيه إلا عنيكى ؟

أنا قلبى رق وأثر فيه صوتك .. يا كبدى على المسكين

لو تسعديه شىء فى إيديكى

ما بقيتش أقول الله يحنن ، لا الناس تسمينى بخيلة

والبخل فى الحب يجنن ، صدقة وترضينى قليلة

على ما قسم وخلاص خدها

ياخد عدوينك

نادية ولسه بعنقودها

يا روح محبينك

الله يزيد حسنك قيمة ، زينة الجناين والبساتين

ولا يخلِيهم لك يا كريمة ، من ورد ابداً ولا ياسمين

ولا فل .. تعيش إلهام

ادينى ادينى ميعاد

ادينى ميعاد لله

فوت بكرة خمسة تمام

من قدم شىء بيداه

يلقاه وكله على الله

كله كله على الله

يجعلها عمار بيوت الأحباب

وأنا بإستمرار ، حوالين حوالين الباب

و أنا و أنا و أنا بإستمرار ، حوالين حوالين الباب

و أنا و أنا و أنا بإستمرار ، حوالين حوالين الباب

• Artist:Mohamed Fawzi
• Album:Ward El-Gharam - Movie 1951