Sa bellesa de Clori lyrics

Ite bella chi ses, cantu m'agradas,

cantu a sos ojos mios ses grassiosa!

A mes'aprile non fiorit rosa

colorida che tue e attraente.

Tue faghes amante unu serpente

cun sos risitos tuos e miradas!

Ite bella chi ses, cantu m'agradas (x3)

Ite bellesa in gradu soberanu!

Che a tue no nde ‘antat ater'una

s'edade antiga ne i'sa novella.

Bellos sun sos fiores in beranu,

est bella s'aurora e i’sa luna,

ma tue ses ancora pius bella!

Bellos sun sos fiores in beranu,

est bella s'aurora e i’sa luna,

ma tue ses ancora pius bella!

In sa pessone lughes che istella

e incantu detzisu in ojos juches,

in sa pessone che istella lughes

e ispannas sas nues cun su risu.

In ojos juches incantu detzisu

pro lassare ‘onzi coro a pesa-rue.

Bellos sun sos fiores in beranu,

est bella s'aurora e i’sa luna,

ma ses ancora pius bella tue!

• Artist:Maria Giovanna Cherchi