S'aurora de abrile [English translation]

Sun dae s’aurora illuminadas sas baddes totus

E in donzi costa unu puzone a s’àteru risposta

Est dende cun sas notas moduladas.

E in su lentore làgrimas faladas

Paren dae su chelu a bella posta

Pro commuover sa zente coritosta

Ch’ogni bellesa cuntemplat de badas.

Isparinde sos ùrtimos isteddos

Sun in su firmamentu ca ispuntare

Su sole depet in sos rizoleddos.

S’abba lughida solet murmurare

E sos prus soaves bentigheddos

Faghen sas friscas frunzas tremulare.

E in su lentore làgrimas faladas

Paren dae su chelu a bella posta

Pro commuover sa zente coritosta

Ch’ogni bellesa cuntemplat de badas.

Isparinde sos ùrtimos isteddos

Sun in su firmamentu ca ispuntare

Su sole depet in sos rizoleddos.

S’abba lughida solet murmurare

E sos prus soaves bentigheddos

Faghen sas friscas frunzas tremulare...

• Artist:Maria Giovanna Cherchi
• Album:Ammentos