Qadın ətri lyrics

Qısaqapanma, ilıq kappuçino

Yeni sətirlər, ağ-qara film,kino

Mən sanki rəssam

Fırçalarım xəzan

Mən köhnə piano

Akkordlar di minor

Yenə avtobuslar, dayanacaqlar

Tələsən insanlar dayanacaqlar

Bakıya yağır noyabr payızı

Bu yuxudan mən istəmirəm ayılım

Mənim həyatımda yoxdu yaxşı insanlar

Yaxınlar, səhvlərinə öyrəşdiyim adamlar var

Mənim həyatımda yoxdu şahzadələr

Var göz yaşlarına toxunduğum qadınlar

Bədəni tanımaq, tanımaq hər nöqtəsini

Bu roman, bu kitabın yox nöqtəsi

Sanki mələklər utanır ahlardan

Bu pəncərələrin qapanır pərdəsi

Və rəqs edərik səhərə kimi səninlə

Bu mahnının olmasın nəqarəti

Sadəcə qulaq as, sakitcə dinlə

Saksafon və qadın ətri

Mən tapa bilmirəm hislərimin adını

Sən sanki içki, siqaret, pis vərdiş

Mən sənlə qalardım bəlkə də, əbədi

Amma ki, şairlər içlərində dərviş

Mən tapmalıyam Allahı səhralarda

Ya da ki, fahişələr həqiqəti pıçıldar

Mən bilmirəm kim bu ruhlar

Hara aparır məni asfalt yollar

Söz ver səni heç kəs belə görməyəcək

Mən gedirəm amma söz ver ki, gözləyəcəksən

Mən gedirəm, səni sevirəm, əlvida

Qorxma, xəyanətləri səndən gizləyəcəm

Sən yenə hər səhər süz iki kappuçino

Bilmək olmaz bəlkə bir gün qayıtdım

Sən gözündə nifrət baxarsan mənə

Mən gülüb deyəcəm "Salam darıxdım"

Və rəqs edərik səhərə kimi səninlə

Bu mahnının olmasın nəqarəti

Sadəcə qulaq as, sakitcə dinlə

Saksafon və qadın ətri

• Artist:Qaraqan