Pregadoria in Gennàrgiu [English translation]

Lassa chi siat froria

o Deus, sa 'ia sua

candu a tui issu s'ànima

e is carris a su mundu

at a depi torrai

candu at a lompi a celu

aundi giai aintr'e dì

innia luxint is steddus.

Candu at a tressai

s' úrtimu ponti nostu

at a nai a is suicidus

basendiddis su fronti

benei a su paradisu

aundi seu andendi deu

poita no'nc'est s'inferru

in su mundu de Deus.

Fei chi lompat a bosu

cun is ossus cansaus

sighiu de milli e milli

de cussas caras craras,

faei chi a bosu torrit

intr'e is mortus po ofesa

chi a su celu e a sa terra

alentu ant amostau.

Genti bona e sabia

speru no si dispraxat

si in celu, in mesu 'e is santus

Deus imprassendiddu

at a firmai is sucutus

de cussas lavas grogas

chi a s’ódiu e a s'innoràntzia

preférriu ant sa morti.

Deus de misericòrdia

su bellu paradisu

prus che totu dd'as fatu

po chini no at arrisu

po cuddus chi ant bíviu

a cuscéntzia nida

s'inferru esistit solu

po chini est in timoria.

Mellus de issu nisciunus

t'at a podi inditai

de totus nosu is fartas

chi podis e 'olis sarvai

sa boxi sua iscurta

cantendi imoi in su bentu

Deus de misericòrdia

gei as a essi cuntentu.

• Artist:Fabrizio De André