اوبريت تسلم الايادى [Obreet Teslam El-Ayadi] lyrics

هو دا البطل اللى ضحا بالحياه

اللى شال اسمك يا بلدى

وافتداه

اللى حامى الارض يسلم

اللى صان العرف يسلم

اللى بيهم مصر دايما

تفتخر وتقول ولادى

تسلم الايادى

تسلم يا جيش بلادى

افتحوا لنا كتاب تاريخنا

واحكوا للناس دولا مين

قول يا ابونا وقول يا شيخنا

يعنى ايه 73

اللى ردوا لنا اعتبارنا

وربك كان ليهم معين

اسألوا الرمل اللى فى سينا

انت مروى بدم مين

دم حنّا وللا مينا

وللا دم المسلمين

ابن عمى وابن خالى

وصاحبى من عشرة سنين

مصر مصر

تسلم ياللى شايلها

وياللى حلفت ترد جميلها

وقولت المايله لازم نعدلها

بعلوالصوت

تسلم ياللى رفعت رايتها

وقدرتها ودفعت قيمتها

ان شا الله تكون نهايتها حياه او موت

تسلم لولادك وولادى

هو دا اللى فى يوم جراحنا

قالها حى على الكفاح

قاللى رايح اجيب فرحنا

شال على صدره السلاح

قال لمصر اموت او احيى

وابداماقبلش السماح

واحنا تايهه الدنيا بينا

رن صوت مليان حنين

قال دى تتقطع ايدينا

لو تمس المصريين

قالها راجل وابن راجل

والله وفيت باليمين

واللة تسلم يا ابن بلدى

ياللى طول عمرك امين

ياللى ابوك رباك يا ولدى

ع الايدين الشقيانيين

ربنا يحميكوا يا ابنى

انت واخواتك امين

تسلم البطن اللى شالت

قلب اقوى من الحديد

هاتلى ام دموعها سالت

قلبها فرحان سعيد

ام مين دى غير امى وامك؟

تسلم ام الشهيد

مصر يا ام الدنيا

بلف واروح الف بلد تانية

بحس اما ابعد عنك ثانية

كإنى بموت

مصر يا اجمل معنى

يا بيتنا الحلو اللى مجمعنا

ان كان على وجعك وللا وجعنا

ساعات و يفوت

بالامر يا مصر تنادى

الف ميت مليون تحيه

للمجند للفريق

للعزيمة المية مية

لللى رسمولنا الطريق

منى ليك ابسط هدية

تحية للراجل الجريء

تسلمى يا احزان يا شدة

ياللى بينتى الرجال

اللى قالها بكل حدة

احذروا غضب الجبال

مصر بتقولله النهارده

يسلم البطل اللى قال

تسلموا وتسلم ايديكوا

ياللى وفيتوا الوعود

ياللى ربى قال عليكم

هما دول خيرة الجنود

تسلموا ويسلم شبابكم

الحلو اللى فى عمر الورود

اللى قال انا لازم ادى

حق بلدى بدون خلاف

قال هادوس عالنار واعدى

قال وعهد اللة ما اخاف

اللى زيك يا ابن بلدى

يتشال على الكتاف

مصربتنده لينا

نلم ايدينا ف ايد بعضينا

ومين دا اللى هايقدر يعادينا

بامر اللة

مصر اللى احنا كبرنا ف خيرها

ومش هانسيبها لغيرنا ناصرها

اكيد ربك وناصرنا

باذن الله

مصر دى مين دى بديلها

دى كل ماحد سهر على نيلها

وشرب الشاى على قمرة ليلها

يقول الله

مصر يا ست الكل

يا بلدى

يا قلب ابيض الفل

انا عينى بتبص عليكى وتطل

بتنسا الاه

بالأمر يا مصر تنادى

هو دا اللى حاميلى ارضى

دا اللى واقف على الحدود

يحمى مالى ويحمى عرضى

اهله مش ضامنين يعود

دا اللى على شط القنال

كان قلبه اقوى من البارود

هو دا اللى رفع رايتها

وسط بحر الم ونار

اللى قال عارف قيمتها

مش هاعود غير ب انتصار

وانتصرنا بإيد شبابنا

ولادنا وخواتنا الكبار

تحيا مصر

• Artist:Mostafa Kamel
• Album:Single