O lucidissima apostolorum turba [German translation]

O lucidissima

apostolorum turba,

surgens in vera agnitione

et aperiens

clausuram magisterii diaboli,

abluendo

captivos in fonte

viventis aque,

tu es clarissima lux

in nigerrimis tenebris,

fortissimumque genus columnarum,

sponsam Agni sustentans

in omnibus ornamentis

ipsius,[1] per cuius gaudium

ipsa mater et virgo est

vexillata.

Agnus enim inmaculatus

est sponsus ipsius

sponse inmaculate

ipsius, per cuius gaudium

ipsa mater et virgo est

vexillata.

• Artist:Hildegard von Bingen