Notes shloflid lyrics

Ikh zing mir aleyn a shloflid:

„Shlof, shlof, du eynzamer man,

Dayn goyrl hot dikh bagrobn

In vaytn uzbekistan.”

Der vint vigt shtil dayn keyver:

„Shlof note, shlof liu liu.

Mit tsugemakhte oygn

Vert likhtiker, loyter di ru.

Her dos royshn fun vild-groz

Fun di vilde blumen in feld.

Un tsorn nisht vos dayn keyver

Hot far dir di shtern farshtelt.

Di shtern, di zilber-mamzeyrim

Hobn milionen opgenart,

Vos hobn mit gloybike oygn

Oyf meshiakh ben dovid gevart.

Her dos geshrey fun di shparbers

Vos fliglen iber der erd

Mit sharfe blutike shnoblen.

S’iz gornisht far zey farvert.

To dank der erd vos bahalt dikh

In ir tifn getrayen shoys –

Zi hot dir geshtelt a matseyve:

A zunblum un a royz.

Di matseyve vet blien un vianen,

Un vet blien fun dos nay –

Der oktober vet zi farleshn

Un ontsindn vet zi der may.

Un efsher vet nokh dayn bruder

Farvoglen aher zayne trit,

Un avekleygn oyf dayn keyver

Dayn kholem – an eybik lid.” (...)

Ikh zing mir aleyn dos shloflid:

„Shlof, shlof, du eynzamer man,

Dayn goyrl hot dikh bagrobn

In vaytn uzbekistan.”

• Artist:Itzik Manger