Non, t'iras point al fosse lyrics

Sitôt arrivé l’momint d’travailler,

s’agissot point d’s’amuser dins les rues

Sans pus tarder i’fallot s’imbaucher,

du boulot, i’n’avot n’import’ù

Mi j’avos bin eune petite préférence,

aussi toute suite je’l’confiot à min père

Et j’pinsot bien qu’j’aros eu eune tchiote chance,

mais dins seul coup il s’a mis in colère

Non, t’n’iras point à’l’fosse,

ravisse comme euj’sus arringé

Non, j’’tai dit qu’t’es qu’un gosse,

avec le cerveau déringé

Non, t’n’iras point à’l’fosse,

au fond t’eun’dechindras pas

T’eun’s’ras jamais qu’un pauf’ gosse, si t’eun’m’acoutes pas

Alors bin sûr, dins l’état qu’i étot,

ch’tot pas l’momint surtout d’eul’contrarié

Du cop j’ai laissé tombé eul’grand bureau,

du boulot, j’in avos bin trouvé

Ch’est comme cha que j’suis devenu marchand d’glaces,

dins les corons euj’passos in moto

Ch’tot in attindant eud’trouver eune aute plache,

mais te sais bin où qu’ch’est que j’ravisos

Non, t’n’iras point à’l’fosse,

ravisse comme euj’sus arringé

Non, j’’tai dit qu’t’es qu’un gosse,

avec le cerveau déringé

Non, t’n’iras point à’l’fosse,

au fond t’eun’dechindras pas

T’eun’s’ras jamais qu’un pauf’ gosse, si t’eun’m’acoutes pas

Après les glaces, j’ai fabriqué du pain,

d’eul’froidure euj’sus passé à’l’caleur

Min père et’m’mère, is étotent bin contints "

Cré chameau Va ! Te nous as bin fait peur "

Comme j’étos tchiot j’eun’disos jamais rien,

mais dins’m’tchiête j’avos toudis l’même idée

Aussi j’intindos un d’ces bons momints.

Ah ! Qu’j’s’ros heureux quind j’pourros dévaler

Non, t’n’iras point à’l’fosse,

ravisse comme euj’sus arringé

Non, j’’tai dit qu’t’es qu’un gosse,

avec le cerveau déringé

Non, t’n’iras point à’l’fosse,

au fond t’eun’dechindras pas

T’eun’s’ras jamais qu’un pauf’ gosse, si t’eun’m’acoutes pas

Un jour min père qu’i avot le dos tourné,

sans l’argretter j’ai quitté l’boulangerie

Au grand bureau j’sus parti m’embaucher,

j’avos peur, mais j’étos contint d’mi

Euj’savos bin qu’in rentrant à’l’maison,

eut’tous les deux z’aurotent eu du chagrin

S’mettant tout d’bout, eum’père i’m’dit :

"Min garchon, ch’est malheureux vu qu’t’as pas acouté"

Non, t’n’iras point à’l’fosse,

ravisse comme euj’sus arringé

Non, j’’tai dit qu’t’es qu’un gosse,

avec le cerveau déringé

Non, t’n’iras point à’l’fosse,

au fond t’eun’dechindras pas

T’eun’s’ras jamais qu’un pauf’ gosse, si t’eun’m’acoutes pas

• Artist:Edmond Tanière